ഏകാന്തതയുടെ ആസ്വാദനം ...!!

ആളുകള്‍ ഒഴിഞ്ഞൊരാ വേദിയില്‍ ...

തിരശ്ശീലക്കു  പിറകില്‍  മുഴങ്ങുന്ന  ഗര്‍ജനം ...

നടനം ... , കാണുക ഈ   നടനവൈഭവം ...

നടനാണ്‌ .. നായകനാണ് ..  പിറകില്‍ ... കാണികളില്ലാത്ത തിരശ്ശീലക്കു  പിറകില്‍ ...

ജീവിതത്തിന്‍  കൊച്ചു  തൊട്ടിലില്‍  കാലം ...

എനിക്കായ്  കരുതിയ  താരാട്ട്  പാട്ട് ...

കയ്പ് നിറഞ്ഞ അമ്മിഞ്ഞപ്പാലിന്റെ മണം ...

കിലുക്കകള്‍  കൊഞ്ചുന്ന  ശബ്ദം  ... അസഹനീയം ...!!

വേണ്ട ... എനിക്കുറങ്ങണ്ട ...!!

ആര്‍ത്തിരമ്പുന്ന  കടല്‍ ...

എറിഞ്ഞതെല്ലാം  തിരികെ  തരാനായ്‌  ഓടിതളരുന്ന തിരമാലകള്‍..

മണലിലാഴ്ന്നു  പോയ  കക്കകള്‍ ... അവശിഷ്ടങ്ങള്‍ ...

അടയാളങ്ങളവ... മണ്ണില്‍  പുതഞ്ഞു  പോയ  ജീവിതങ്ങള്‍  തന്‍  അടയാളം ...

എറിഞ്ഞു  കളഞ്ഞ  ജീവിതത്തിന്റെ  തിരിച്ചു  വരവും കാത്തു 

ഇനിയും  ഈ  തീരത്ത് ... തനിയെ.....