Wednesday, December 26, 2012

ശുഭ പ്രതീക്ഷ..!



കാരിരുമ്പികരുത്തുള്ള ഹൃദയവും..
കാരസ്കരത്തിൻ കയ്പുള്ള കണ്ണീരും..
മുലപ്പാലിന്റെ മാധുര്യമറിയാത്തൊരധരവും..
മനുഷ്യത്വം തൊട്ടുതീണ്ടാത്ത മനസ്സും..
ഇത്യാദി ലക്ഷണമൊത്തു പിറന്നവർ തൻ
പേരതു ചൊല്ലൂ... മാനുഷനെന്നോ..??

വിഷമുനയുള്ളൊരീ കൂരമ്പിൻ ക്രൂരതയിൽ..
ചിറകറ്റ പക്ഷി നീ.. മുറിവേറ്റ പൈങ്കിളി..!
വാനമ്പാടി,  നിൻ ചിറകൊടിഞ്ഞുവോ ?
ചുടുചോര ചിന്തിയോ, കരളെരിഞ്ഞുവോ ?

കാലം നിനക്കായി കരുതിയ വിധിയോ..
കാട്ടാളരായൊരീ മനുഷ്യർ തൻ വിക്രിതിയോ..
അറിവില്ല പറയുവാൻ.. ആശ്വസിപ്പിക്കുവാൻ..
കഴിവില്ലെനിക്കിന്നു പ്രതികരിച്ചിടാൻ പോലും..

ഇതു ലോകാവസാനമോ, പുതിയ തുടക്കമോ..
മനുഷ്യത്വമതെവിടെയും മരവിച്ച് മരവിച്ച്..!
ആഴക്കടലിന്നാഴങ്ങളിൽ ആകാശത്തിൻ വിരിമാറിൽ
താരാങ്കണത്തിൽ, താതന്റെയരികിൽ..
വിണ്ണിലെ പറവകൾ, വാനമ്പാടികൾ
അനാഥർ, നിങ്ങൾ ഒറ്റപ്പെടുന്നുവോ..?
 
പുത്തൻ ഉഷസ്സിൽ, പുതിയൊരുണർവ്വോടെ
പ്രകാശകിരണത്തിൻ പരിശുദ്ധിയോടെ..
പുതിയ തുടക്കം.. പുതിയ പ്രതീക്ഷകൾ..
പുതിയ തലമുറ, ഇനിയും മരിക്കാത്ത-
യുവത്വമേ നീ ഉയിർത്തെഴുന്നേൽക്കുക...!!

2 comments:

  1. യുവത്വമേ നീ ഉയിർത്തെഴുന്നേൽക്കുക...!!

    provoking lines...

    ReplyDelete
    Replies
    1. വായിച്ചതിനും അഭിപ്രായം പങ്കു വെച്ചതിനും ഒത്തിരി നന്ദി പ്രവീണേട്ടാ...

      Delete

എന്റെ ഭ്രാന്തന്‍ പോസ്റ്റുകള്‍ വായിച്ചല്ലോ.... ??? ഇനി നിങ്ങളുടെ അഭിപ്രായങ്ങള്‍,
അത് എന്ത് തന്നെ ആയാലും താഴെ കുറിക്കൂ... ഈ പൂമൊട്ട് വാടാതിരിക്കാന്‍ നിങ്ങളുടെ അഭിപ്രായങ്ങള്‍ കൂടിയേ തീരൂ ......
എഴുതാതെ പോകരുത് ട്ടോ....!!